舊冊店ê少年家──潘大--ê ◎潘靜竹
Tī府城舊冊店,定定看著一位南投埔里愛蘭人──潘大-- ê,伊是巴宰平埔族。講著愛蘭,chëng伊ê阿祖ê時就toà tī hia ah。伊ê阿爸結婚了後,tī伊5歲ê時,就因為到高再得ê醫生館做醫生ê關係,kui家伙搬到二層行溪toà。
Hit時,庄頭只有in一家口是基督徒。細漢時,厝--nih只有伊一個gín-á,後來小弟才出世。因為是大囝,伊是h³人疼命命,chhoā出chhoā入,不管時t„教會行踏。‹-koh,終其尾三兄弟只有伊有領洗,愛蘭故鄉ê代誌,只chhun人稱「阿甲長老」ê阿嬤寄付土地h³埔里基督教病院宿舍ê記持,kap鄉里對阿嬤ê感念。
潘大-- ê面烏烏(除了平埔族血統ê緣故,也因為bē笑ê歹面腔),頭毛烏烏(染kah siuⁿ超過)、khîu-khîu半長短,ài suí khah親像藝術家。時常穿一領半長ê烏大衣,身軀bë輸變作一台運送帶,m̄是練工夫,是leh理想化,將冊來:
搬起搬落──整理冊歸位;
搬出搬入──beh將冊展示;
搬來搬去──拍掉,送去資源回收場!
有時,伊會開一台tòe伊玲瓏se̍h ê小貨車「小綠á」,tī資源回收場揣(chhöe)冊;有當陣(tang-chün),是載滿滿ê冊,重kah真可憐;有時是sçh幾落lìn,揣無好冊就是無好冊。「小綠á!歹勢,賺無夠油錢,明仔載才來加油kā你飼飽飽!」
伊mä定定坐tī簾簷腳(nî-chîⁿ-kha)標價數,kap文友開講話仙kui ē-p¬,咖啡一杯續一杯。當然,拭冊ê是阮ê代誌,m̄是伊ê;伊講,安呢空課就做bē了--à。阮ná拭冊,ná聽in開講,知識mä是有加無減啦!
欲整理ê舊冊實在siu°濟,昨hng看hiah濟,今仔日看mā hiah濟,所以不時聽伊teh怨嘆:「阮那會hiah歹命leh!」這陣,阮to隨接lòe唱方瑞娥ê歌〈無人來疼痛〉;有時,阮會笑笑--a kā喝:「bē-sái唉,這是你歡喜甘願--ê。」伊liâm-mi就恬恬bih嘴,ngäu-ngäu唸:「阮tó位酸 tó位疼。」
M̄-koh看伊專心teh寫詩ê時,規個面色光-nà-nà,kap普通時完全無仝,親像另外一個人。有當時á,別人謳咾伊看起來無jöa濟歲,伊就笑kah露出白siak-siak ê嘴齒(是真是假,恁家己ioh)。真是虛華ê查甫人ah!
頂暫-á,伊仝沿ê文友 陳恆嘉 老師,恬恬來過身。想起舊冊店iáu tī台南後驛ê時,因為離成功大學無joā遠,所以阿嘉老師坐火車落南來上課ê時,舊冊店是伊停腳歇喘ê好所在。時間若真量,就做伙泡茶、lim咖啡,或是kap潘大--ê天南地北話一下;時間若oàⁿ-oàⁿ,阿嘉老師會笑咪咪拍一個招呼就起行。有時看阮teh無閒,伊就坐tī外面ê天使椅-á頂,拍開伊ê冊家己haiⁿ-haiⁿ chhan-chhan唱歌--起--來,或是隨離開。有一擺,阮舉頭看到伊ê背影,親像冬天ê天頂──phú-phú黯淡;此種寂寞孤獨ê形影,後來亦不時看著。我想,m̄是阮攏teh無閒,大概是伊m̄-ài kap人講話,beh恬恬--a吞忍家己ê心事。
這二年外來,潘大--ê才開始寫台語詩,為著台語文ê問題,時常kap阿嘉老師討論bē-soah。聽講教育部teh徵稿,伊想著家己hiah濟歲,歹勢驚驚bē tiõh-等(téng),拖沙kah時到二三工前才舉筆。「烏kan-á té豆油,無tè看」,竟然hō͘伊得著教育部「97年用咱的母語寫咱的文學文學創作獎」閩南語詩類社會組第三名!這是伊有基礎、有才情,koh chiâ°認真ê成果。
阮若kā人講,hit-ê真正有關心台南在地ê,是「府城風華──台灣原色」,伊攏會歹勢,謙虛叫阮mài講。但是hit三首詩正港是有內涵koh有深度,一定ài紹介hō͘逐家知。
阮這舊冊店ê老少年,無像阿嘉老師ê本事,真濟代誌ē-tàng借歌聲來吐氣;自 從阿嘉 老師離開,看伊這陣定定恬恬pok煙,一支koh一支,應該是teh感嘆歲月不留情,朋友一個一個少,真是稀微啊!唯一ê快樂,就是收到kah意ê冊,ng-ng iap-iap thçh去藏。
講真--ê,為著研究學問,伊私藏ê冊是滿厝間,伊講he是無欲賣--ê。Tú著做學問ê少年朋友,無賣,用送--ê定定有。伊自比春風少年兄,冊房koh分東廂房、西廂房。歹勢!‹通誤會,是東pêng khǹg文學ê冊,西pêng khǹg文化ê冊;正pêng天文地理,倒pêng藝術語文,隨手一thçh,逐本攏是好冊。
講起來,潘大--ê真是老少年,食kah 60外a外,猶原teh做苦工──夢想ê苦工,心靈ê苦工,台灣文化ê苦工。若講起伊對冊ê內行,看伊ê歲頭就知!伊自少年就chhap到今(t a°):bat冊、看冊、寫冊、編冊、收冊、賣冊、出版冊,攏是伊做過ê工課。
這是伊一世人ê工課,是永遠to做bē完ê工課!
台灣教會公報社 2010/3/8 ~3/14/3028期 台文世界版
留言列表