close
*自由時報6/16刊出新書發表會--文學同好齊聚一堂吟誦台語詩.分享其新作的喜悅.
胡長松表示:自己關照的主題.創作的來源都來自鄉土.用台語寫作是最自然也最親切的語言.並不會因為台語文學並非主流的文學形式.而有所改變.
再次感謝大家一同為台語而打拼.圍在一起--齊唸台語詩.感受詩是生活的一部份.
長松來函及資料---
逐家好：
昨佇國家文學館辦的我的詩集的新書發表會，我真多謝逐家關心佮捧場。
這是我的相機內面的相片，請大家參考（攏總15張）：
He其中有團體相，若需要較大的檔案，嘛會使直接點：
多謝國家文學館提供場地、椅桌佮工作人員的支援。
多謝潘靜竹姊、潘景新兄的安排發落。
多謝王貞文姊、江秀鳳姊、陳金順兄、潘景新兄吟詩鬥鬧熱，予恁嫷的聲調佮氣味，崁過我原詩的濟濟缺點。
多謝林央敏兄、陳秋白兄、張德本兄、江秀鳳姊、呂興昌教授等文學前輩友志，佇風雨的日子特別遠路奔波相挺。
多謝台南在地的文學戰友方耀乾兄、陳正雄兄、蔣為文兄、高月員姊、吳仁瑟姊、施俊州兄、蘇頌淇姊、陳慕真姊、林炳村兄、巫義淵兄、洪瑞鴻兄、李文正兄等熱心相疼捧場、指教。
多謝宋澤萊老師、劉承賢兄、藍淑貞姊特別敲電話、寫批來加油。
當然，嘛多謝濟濟雖罔無到位，毋過一直給我牽教、鼓勵佮關心的朋友。
這種種，攏予我點滴在心。因為我直直感覺，成做一個詩的新兵，我的毋成詩集，是配恁的慷慨鼓勵佮相疼昧得過的，這道親像小學的時，躊躇歹勢，毋敢提糖仔去學校過生日的心情仝款；毋拘，我到路尾才愈來愈知影，若因為即本毋成詩集的發表會，予人看見台文界眾友志的熱心佮開闊的腹腸，按呢，我嘛成實是「與有榮焉」咯。
尚尾後，咱按怎嘛想昧到，活動收煞的時，欲給貼佇土腳兜的金色的「街路」拆起來才是真正的高潮。
雖罔我的太太是文學活動的「局外人」，毋過她講，當伊看見逐家為著即件囉唆的代誌恬恬出力，無分大細漢，甚至有老者比如呂興昌教授嘛踞咧鬥相共，她的目屎道go5佇目墘，她講，道是即款的疼心，她親像看見台語文學的向望。
即馬，我感動的目屎嘛漲tinn7佇我的目墘，因為hin內面，有咱大大細細、肩胛頭貼肩胛頭，做伙拚出來行出來的美麗文學路！
祝逐家平安
胡長松 敬筆
2008.6.16 高雄
以詩是生活方式表達「棋盤街路的城市」高雄街道的圖像邀參與盛會的好友或讀者演繹.
是非常記憶深刻的.
台文戰線成員*胡長松「棋盤街路的城市」台語詩集新書發表會，詩是生活的，阮ê用沒仝的方式來吟詩，希望您ê凍大駕光臨！
6/6~6/7李江却新書發表會
6/8海翁詩人節吟詩大會
6/14紅樹林菅芒花新書發表會
◎真歡喜台文界的創作真濟ê好現象◎
*這陣─台文戰線的有志，輸人毋輸陣，
請撥工來相挺。
佇台南市中西區中正路1號 一樓
『國立台灣文學館新書發表會』
97年6月15日─禮拜日下晡3:00
台文戰線 社長 林央敏
發行人 潘靜竹
府城舊冊店 潘景新 敬邀
全站熱搜
留言列表
