人生如夢.繁花看盡.勸君更進一杯酒.還是得努力.
*今天下午11/26剛從台灣文學館--「文學館之夜」節目受訪.
此訪問於2008.12.04晚22:00~24:00*
新雲林之聲廣播電台FM89.3
談*文學‧美術&美術‧文學*敬請收聽
母語文學--【生命的故事之四】 阿媽咱來去坐火車 ◎潘靜竹 啥物！姊阿，妳說阿媽 m̄-bat 坐過火車 想欲招我作夥來去 聽到真歡喜 人我嘛 m̄-bat 坐過 Kám-ài 帶茶壺 ē- tàng 帶青操 ê 便當 bô 我欲愛菜脯卵加蔥仔 歸個便當芳貢貢 阿媽！您 tak 工聽 la-ji-oh 電台放送 後山外媠 koh外媠 您不時唸起來 khǹg 主持人阿明仔有講到 咱若對遐坐慢車愛足久 足久 M̄ 過無要緊 省錢就好 阮即馬 teh 歇熱 阮 chhōa 您來去洗溫泉 He 水是滑溜溜 洗落健康吃百二 阿媽！您穿這領媠媠 ê 花仔衫 來配烏度紅 ê 長褲 行路方便 koh 大方 阮欲穿您過年 kā 阮買 ê 運動衫 姐阿，汝愛 kap 阮穿仝款 青尺阿青尺 按呢 m̄ chiah 像姊妹仔 大家攏謳咾 火車直咧過洞空 一片烏 sô-sô 阿媽！M̄ 免驚 阮 kah 您攬 tiâu-tiâu 唱歌乎您聽 火車行到 hi-loh a-ma hi-to pōng-khang 內 啊喲～ 啊喲～ 您看阮唱 kah li-li-lak-lak 煞大笑起來 一路頂 作伙直直唱這條歌 唱 kah 心花開 bē 煞 阿媽！後擺愛 koh 作伙來 chhit-thô 阮隨時 ê 願望 －刊載台灣教會公報社 2914期 2007.12.31 【創作理念】 阿媽咱來去坐火車 借著坐火車，阿媽與孫子的互動和樂表現出來。 作品－同樣表現生活的樣式如馬賽克一樣的多姿， 不止是坐火車更想帶我們的親人環遊世界。 紅色是巧克力盒，代表世界的多元。 冷氣機的銅管代表金錢。 母語文學--【生命的故事之一】 阿媽 ê 菜脯 ◎潘靜竹 手咧甕仔底撏啊撏， 彼 kha 甕仔大約尺半高， 看著黑黑臭臭，葫蘆形 ê 腹肚嘴口小小， 撏出黑黑 ê 足小條物件。 憨孫 ê！阿媽 kā 你講， 這是真久以前就豉好，一直 m̄ 甘吃。 阿媽用手扐互一絲一絲， 提一塊塞咧我 ê 嘴， 就講：食看 māi， 這是陳年 ê 老菜脯， 雖然看起來黑黑沒真水， 也真鹹，配糜上好，會凍配足濟碗， 咱兜歹賺食，囝仔又擱濟， 儉儉啊用，序大人真艱苦，逐工走闖， 最近空襲厝內攏無米， 雞仔逢吵 kah bē 生卵， 毋知欲用啥來止 iau， 人講沒米煮番薯湯， 咱兜也沒半分地， 水牛擱卡 m̄ 免講…… Soah 那講那小聲，目眶隨紅。 彼時細漢 m̄ 知阿媽 teh 講啥物， 只有看著面前阿媽常常用茶油梳 ê 頭毛， 後面一個包仔，雖然七十外， 猶是黑 sim sim，又閣身軀芳貢貢， 互我愛攬直遐，也沒煩惱， 只會曉用目睭金金看 也 m̄ 知聽有沒？ 當時我五歲，今嗎想起來，目屎輾輾遨。 刊載 台灣教會公報 2891期 2007.7.23 【創作理念】 阿媽 ê 菜脯 小時候，常常看到阿媽老是手伸進一個醜醜的甕， 拿出黑黑奇怪的東西，心中老是懷疑著， 那個是什麼東東，到懂事後，就恍然了， 因菜脯是重口味，它能帶給物資貧乏的家庭是鮮味， 它能配飯又省菜。 去年在鹿港老街，看到有販售相同的東西， 心中漾起懷念祖母的情懷，就買了一小包， 是15年的老菜脯，真是又甘又有特殊風味， 將它燉排骨做湯，倒真是如藥膳料理，聽說可顧氣管。 真是令人懷念啊！ 母語文學--【生命的故事之五】 阿媽的幸福 ◎潘靜竹 伊漸漸開始毋捌人 有凍時恬恬坐佇遐 有凍時扣扣闖 親像咧找啥 袂定著 一目睨就無看著人 歸陣人 歸瞑著急四界找 看伊憨神匿咧暗暗樹跤 予人毋甘將伊親像囝仔咧罵 阿媽 這領花仔衫足媠哦（穿媠媠予伊歡喜） 阿媽 腹肚飽飽哦（吃毋知飫 毋知飽） 阿媽 手鍊仔叮叮噹噹足好聽（毋通剝 頂面有住址 才袂紡見） 阮滿嘴笑嘻嘻偎過直直講 伊佮阮笑笑 閣笑笑 無字無句 （越頭 阮偷偷拭掉無小心掉落的目屎） 突然間 伊叫著阮的名 （害阮驚一著） 無想到伊猶會認得阮 阮只好順勢佮伊攬條條 煞也哈哈笑 直直應 親像匿相揣 牽著伊瘦骨的手 hain阿haih 阿媽！您無煩無惱 袂記了了上界好 天下間您是上幸福的人 親像老菩薩 親像天使仝款 寫佇府城舊冊店2007.10.17 ──感慨好友的老母著老人症 【創作理念】 阿媽的幸福 有一次看到好友的母親，她得老人痴呆症現象， 已陸續表現出來，心中的感念雜陳。 在15歲就讀時，就認識至今，如同我們的親人一樣， 有一次我去看她，突然她記起初識我時的情景， 令我熱淚盈框。 我希望──每個人都能健康、！快樂 母語文學--【生命的故事之六】 阿媽 ê 雞仔 ◎潘靜竹 阿媽飼 ê 雞仔有三隻 一隻咖啡帶花草 二隻黑毛 ê 歸工 tī 外口賴賴 sô 不時清幼石頭仔 找看有蟲無 有時 ài 阮囝仔人 jiok 轉來 欲晚時 就kā 叩叩轉來 用籠仔 khàm 咧 等生卵了後 Koh kā 放出去 每擺雞籠仔那 khàm 好 遐雞 ê 就慣勢 咯--咯--生卵了 遂放它出去 chhit-thô 這頓晚頓 就有芳貢貢 ê 煎卵 thang 食 想起來嘴 nōa 就津落來 有時將卵留起來孵 無快久—啾--啾— 雞仔子就滿厝間 有時陣雞仔子煞 hiông hiông bē 喘喟 原來食到橡奶圈 煞來死竅竅 害阮無法度等雞仔大隻 大隻了後會生卵 卵煮來食 Kā 飼好肥肥 做白片雞 ùn 醬油膏 啊！我 ê 雞啊 夢煞被弄破去！ 阿媽！您 ke 飼 kah 濟 ê 雞仔 阿無是欲按怎會 tàng 帶便當 遐卵仁哥哥 khàm 過白筍筍 ê 飯 食了親像卜派仝款 乎阮真有力會 tàng kah 同學 作伙來車拼喟 按呢運動會 叫阮第一名 ─刊載於台灣公報社2933期 2008.5.12~5.18 【創作理念】 阿媽 ê 雞仔 聽阿媽說，家裡的雞是母親當年，嫁進來時的 帶路雞，一直延續到現在不知是幾代了。 雞生蛋，蛋生雞，對小孩子而言，有如現在的 寵物，每天負責任給剩飯，負責放出去兜風， 負責招回來關好，如果貪完忘了做，
留言列表
